"O mundo das cores! é un conto nas que as protagonistas son as cores, unhas cores que non están dacordo cos seus roles e están dispostas a misturarse e a ser quen realmente queren ser.
O Mundo Das Cores by yolick20003194
AQUÍ VOS DEIXAMOS O CONTO NARRADO POLO ALUMNADO
A
última semana do mes de xaneiro todo o centro volcouse na celebración do Día
Escolar da Paz e da Non Violencia. Todas as aulas sumáronse a variadas propostas para visibilizar a importancia desta
data e sensibilizar á comunidade educativa da necesidade dunha convivencia
pacífica e enriquecedora.
Hoxe 30 de xaneiro (Día Escolar da Paz) reunímonos o alumnado e profesorado de todos os ciclos e niveis no patio cuberto e deixamos a nosa pegada a favor da paz diante dunha fermosa pomba, símbolo da paz, realizada por Alberto (o noso conserxe). Os nenos e nenas de 1º e 2º de primaria colaboraron no recheo da mesma con xiz.
Un grupiño de alumnos/as representando a cada curso deron lectura a un manifesto pola paz. O acto finalizou cantando todos xuntos a canción “ El mundo entero” que foi tamén signada polo alumnado. Ao ritmo desta melodía os rapaces e rapazas das Mirandas quixeron transmitir que respectando as diferenzas, valorando a súa riqueza é camiñando xuntos, non hai muro que nos separe e esta é a forma máis importante para eliminar a violencia e acadar a paz que está dentro de nós.
👉 Por outra banda, e en formato podcast, o alumnado de 3º de ESO realizou un programa especial
sobre o día da paz que podedes escoitar aquí.
.png)
Un ano máis quixemos felicitar ás persoas maiores usuarias do Centro de Día de Ares. A rapazada da ESO elaborou felicitacións personalizadas para cada unha delas cunha dedicatoria moi especial. Ademais agasallámolos cunha serie de xogos feitos no cole (un quebracabezas, un dominó, un tres en raia e un xogo de memoria) para que pasen algúns dos seus ratiños entreténdose con eles. Elas merecen o mellor e, sobre todo, que nos lembremos do moito que lles debemos.
Grazas a Felipe, o profe de tecnoloxía, por axudarnos na elaboración dos xogos e a todas as rapazas e
rapaces por esas postais tan fermosas.
Desexámoslles unhas Felices Festas e un próspero Ano Novo
cardadiño de saúde e saudade para todas e para
o persoal que tan ben coida delas.
Hoxe entregamos os alimentos recollidos na Operación Quilo de Nadal.
Un ano máis a vosa solidariedade paliará as
necesidades das persoas que máis necesitan a axuda de todas e todos nós.
Graciñas familias, alumnado, profesorado e comunidade en xeral pola vosa
aportación, pola vosa solidariedade e polo voso apoio nesta campaña.
BO NADAL
Neste “Día Internacional Contra a Violencia de Xénero” no CPI As Mirandas o alumnado e profesorado da ESO reunímonos nun acto no que, alumnas e alumnos de 4º da ESO, deron lectura a dous manifestos a través dos cales quixemos arroxar luz e denunciar esta realidade, tantas veces escondida e silenciada como é a violencia de xénero, así como recordar que se debe seguir insistindo en campañas de prevención, informando e previndo desde todos os ámbitos da sociedade: desde a familia, cunha educación en igualdade, desde os colexios, cunha coeducación real, desde o traballo e desde os poderes políticos.
O xoves 23 de novembro, e con motivo do Día dos Dereitos da Infancia, parte do alumnado de 3º da ESO realizou unha actividade de contacontos para os nenos e nenas de 1º de primaria.
A través do conto “Artai, O neno xigante” aprendemos
que os nenos e nenas deben ser protexidos contra toda forma de abandono, malos
tratos, crueldade e abusos. Non deberá permitirse aos nenos e nenas traballar
antes da idade mínima adecuada...' e non poden ser explotados.
O alumnado da ESO repartidos por parellas e en grupos,
explicáronlles aos máis pequenos/as o por qué da celebración desta data tan
importante, narraron o conto de “O neno xigante”, repartiron un pequeno
agasallo a todos os asistentes (uns marcapáxinas feitos por eles que contiñan
un dereito fundamental) e dinamizaron a actividade cun simpático xogo de
pasapalabra.
Foi unha actividade super chula. Aos pequenos/as
encantoulles e estiveron super atentos e participativos.
Grazas á rapazada de 3º ESO pola preparación e realización desta actividade. Fixéstelo xenial!
Hoxe celebramos o Día Internacional dos Dereitos dos Nenxs, lembrando e reivindicando os dereitos que cada neno e nena teñen polo simple feito de ser nenos. Debemos asegurarnos de que teñan unha infancia feliz, segura e chea de oportunidades para crecer e desenvolverse plenamente.
Neste día, non debemos esquecer que cada neno, nena ou adolescente é especial e único, e merece ser tratado con dignidade e respecto. É o deber de toda a sociedade asegurarnos de que se cumpran os seus dereitos e de traballar xuntos para construír un mundo máis xusto e equitativo para todos.
O alumnado da ESO reuniuse para conmemorar esta data e ler un manifesto a favor dos seus dereitos.
Tamén o alumnado de 3º de ESO visitou as clases de infantil e primaria para falarlles deste día tan especial e agasallalos cun cartel e uns marcapáxinas ilustrados con todos os dereitos, que fixeron para eles os alumnos e alumnas de 2º e 3º de ESO.
Aquí vos deixamos un vídeo resumo do acto.
Nun mundo que xulga á xente polo seu número, Zero enfróntase a un prexuízo e unha persecución constante. El anda un camiño en soidade, ata que un encontro, por casualidade, cambia a súa vida para sempre. El coñece a unha muller Cero. Xuntos, demostran que a través da determinación, da coraxe e do amor, nada pode ser realmente algo.
Unha curta marabillosa que pode ser unha analoxía da sociedade actual, e co que podemos comprender e aprender a:
·
Coñecer e denunciar aqueles
sistemas totalitarios e xerarquizados de onte e de hoxe que degradaron e
degradan ás persoas pola súa condición física, mental, sexual e/o pola súa
ideoloxía.
·
Os dereitos humanos, o dereito
para respectar ao ser diferente e a loitar contra o racismo e contra todo tipo
de discriminacións.
·
A necesidade de sentirnos
queridas, queridos e valorados/as como cimento da autoestima e, con iso, poder
desenvolver o noso proxecto de vida.
· Valorar a importancia da inclusión na sociedade na que vivimos.
O luns 30 de xaneiro de 2023, conmemoramos o Día Escolar da Paz e da Non Violencia nun acto conxunto no que todo o alumnado e profesorado do centro visibilizamos unidos o noso compromiso cara á erradicación da violencia e o establecimento dunha cultura da paz no noso día a día.
Os nenos e nenas de cada clase leron as mensaxes de paz coas que adornaron as portas das súas aulas e rematamos o acto cantando a canción “Mensajes del agua”.
As nenas e nenos de infantil sumáronse á conmemoración do Día de Rosalía facendo este fermoso mural inspirado na frase de Rosalía de Castro:
“ Galicia florida, cal ela ningunha de frores cuberta, cuberta de espuma».
Que preciosidade!
Tamén o alumnado de 3º e 4º da ESO, realizou na materia de Relixión un vistoso mural. Seguindo a proposta da Asociación de Escritoras e Escritores en Lingua Galega (AELG), que utiliza este ano o lema #cumpriuseaxustiza, o collage denuncia as inxustizas do mundo, plantexando a pregunta... "Que diría Rosalía"?.
A rapazada buscou na prensa imaxes de conflitos bélicos de hoxe, da inmigración no mundo, da explotación no traballo, os prezos da vivenda... e plasmouno no mural ilustrando as imaxes con palabras que nos deben facer reflexionar, e que ben poderían ser ditas por Rosalía, hoxe en día: xustiza social, loita, lei, aldraxe, desigualdade, inxustizas, dignidade, solidariedade, conciencia, moral...
O alumnado de 2º ESO crearon o seguinte vídeo para concursar no Festival de Clipmetraxes sobre a pobreza e o cambio climático . Como hai un premio ao clipmetraxe máis votado, pediriámosvos que si queredes, piquedes no enlace, o vexades e nos regaledes un voto.
https://www.youtube.com/watch?v=F2x3zKzoB8A
Nun mundo caracterizado por un nivel sen precedentes de desenvolvemento económico, medios tecnolóxicos e recursos financeiros, é un escándalo moral que millóns de persoas vivan na extrema pobreza.
As persoas que viven na pobreza experimentan moitas privacións interrelacionadas que se reforzan mutuamente, impedíndolles exercer os seus dereitos e perpetuar a súa pobreza, entre elas:
👉condicións de
traballo perigosas
👉vivenda insegura
👉 falta de
alimentos nutritivos
👉acceso
desigual á xustiza
👉falta de
poder político
👉 acceso limitado á atención médica
A desigualdade de oportunidades e de ingresos aumentan bruscamente e, cada ano, a brecha entre ricos e pobres faise máis grande. No último ano, mentres millóns de persoas loitan contra a erosión dos dereitos dos traballadores e a calidade do emprego para chegar a outro día, o poder empresarial e a riqueza da clase multimillonaria rexistraron un aumento sen precedentes.
A pobreza e a desigualdade non son inevitables. Son o resultado de
decisións deliberadas ou da falla de medidas que desempoderan aos máis marxinados das nosas sociedades e violan os seus dereitos fundamentais. A violencia silenciosa e sostida da pobreza dificulta a saída das persoas atrapadas na pobreza extrema e nega a súa humanidade.
TRABALLO QUE CHE PIDO: 1. Que institucións hai na túa contorna para axudar aos empobrecidos? (só tes que citar os seus nomes) 2. Dirías que a pobreza é algo que teñas habitualmente na túa contorna? A túa resposta pode ser SI ou NON, pero para estar máis seguros, PROCURA FIXARTE, durante toda unha semana na túa contorna (o teu barrio, as rúas polas que pasas, os locais que frecuentas, as persoas coas que te atopas / cruzas, os xornais ou noticia que les) e achega os datos da túa investigación. 3. ESTE VÍDEO que te convido a ver fálanos de dous mundos moi distantes, pero non tan distintos (Nova York e Quenia).
Achar o sentido da vida non sempre é fácil. Hai persoas que atravesan por unha crise existencial antes de atopalo e outras, nunca se plantexaron sequera esta cuestión e viven simplemente por inercia. Con todo, o sentido da vida é o que nos motiva e impulsa, o que nos enche e fainos máis felices. Ter un obxectivo na vida axúdanos a superar os obstáculos e permítenos comprender que cousas son verdadeiramente importantes e cales son nimiedades que só serven para roubarnos tempo e enerxía. Por iso, a longo prazo, ter un sentido da vida permítenos ser máis eficaces, enfrontar os problemas desde unha perspectiva máis madura e, por suposto, ser máis felices.
Por sorte, ou por desgraza, o sentido da vida non é unha fórmula máxica nin unha meta que se poida transferir dunha persoa a outra, debe ser unha resposta que veña do teu interior e que che satisfaga só a ti. Con todo, algunhas preguntas poden axudarche a atopar o verdadeiro sentido da vida. E antes de respondelas, ten en conta a frase de Voltaire: “A un home non se lle xulga polas súas respostas senón polas súas preguntas”.
